Айни дамда, куннинг иккинчи ярмида Валерия Кучаренко озод қилингани, аммо Галина Кучеренконинг қаердалиги номаълумлигича қолаётгани айтилмоқда. Эшик бузилаётганида Галина Кучеренко вазият ҳақида ҳуқуқ ҳимоячиси Наталья Шабунцга хабар беришга улгурган. Кучеренконинг эшиги беркитилди ва муҳрланди, бироқ подъездда эшик бузилганини кўрсатувчи излар қолган. Уй деразасининг кўча қисми очиқлигича қолган.
Н. Шабунц зудлик билан ҳодиса ҳақида БМТнинг минтақавий превентив дипломатия марказининг инсон ҳуқуқлари бўйича маслаҳатчиси Жерома Буижуга хабар берган. Уни ҳовлида кутиб турар экан Шабунц бу ерга полиция машинаси келганини кўрди. У полициячилардан “сизлар эшикни бузиб, аёлни олиб кетдингизларми?”, дея сўраганда салбий жавоб олган.
«Мен уларга, катта халқаро жанжал бўлишини айтдим. Улар қаёқадир қўнғироқ қилишди ва мендан фамилиямни сўрашди. Улар менга туман бўлимига боришни таклиф қилишди, бироқ мен рози бўлмадим», — дея хабар берди Н. Шабунц.
Г. Кучеренко ва унинг қизининг мобил телефонлари ўчирилган.
Туркманистонда уй ҳайвонлари оммавий ўлдирилаётгани ҳақида ижтимоий тармоқларда танқидий изоҳлар ёзган, ҳамда интернетга кириш ҳуқуқини тикланишини талаб қилиб келган Галина Кучеренкога шу кунга қадар ҳуқуқ-тартибот идораларининг ходимлари бир неча бор пўписа қилган эди.