Судья Дамирбек Назаровнинг айтишича, янги ҳукм ҳисобга олинган ҳолда, "бошқа ҳукмлар мавжудлиги эътиборга олинса Қурманбек Бакиев 30 йил қамоққа, акаси Жаниш Бакиев умрбод қамоққа ҳукм қилинди".
Улар билан бирга айни иш бўйича бир қатор собиқ юқори лавозимли амалдорлар қамоққа ҳукм қилинди ва жаримага тортилди. Парламентннг собиқ депутати Карганбек Самаков (тергов уни фирибгарликнинг ташкилотчиси сифатида кўради) 10 йил озодликдан маҳрум қилинди, у жазони кучайтирилган режимдаги колонияда ўтайди (амнистиядан сўнг унинг муддати учдан бирга қисқарди). Бош вазирнинг собиқ ўринбосари Искендер Айдаралиев, шунингдек собиқ бош вазир ва парламентнинг амалдаги депутати Игорь Чудинов 5 млн сом ($70 тыс.) жаримага тортилди.
Бакиев “Настоящее Время”га берган интервьюсида, ер иши бўйича суд жараёнларини “ОАВ орқали” билганини ва ўзига Қирғизистон вакилларидан ҳеч ким “ҳеч нарса айтмаганлигини” айтди. "Бирорта ҳам жиноий иш бўйича менга бирорта ҳам чақирув қоғози келмади, мен билан ҳеч ким боғланишини истамади", - дея баёнот берди сиёсатчи.
Қирғизистонда Бакиев ва унинг акасига нисбатан ўнлаб жиноий ишлар очилган, айримлари бўйича сиртдан ҳукм чиқарилган. Ер сотишлардан ташқари уларга британиялик тадбиркор Шон Дэйли ҳаётига суиъқасд уюштиришни ташкиллаштириш айби ҳам қўйилмоқда. Бироқ Қирғизистон ҳукумати очилган жиноий ишлар бўйича собиқ президентни юртига қайтара олмаяпти.