Пойтахтдаги Фирдавсий туман милициясининг Вақтинчалик ушлаб туриш изоляторидаги манбанинг айтишича, Жамшед Абдулов 20 декабрь куни эрталаб озодликка чиқан. Ҳозирча унинг қандай талаблар билан озодликка чиққани аниқ эмас. Манба ИИВ терговчиларига мурожаат қилишни маслаҳат берди. Жамшед Абдуловнинг қариндошлари барча қарзлар тўланганидан кейин озод қилингани борасида айтишди.
Бироқ терговчилардан ҳеч ким бу иш бўйича изоҳ бермади. Манбалардан бири, Жамшед Абдулов «Тоджиксодиротбанк»дан ҳам 4 миллион доллар қарз олганини ва ҳибсда бўлган 40 кунлик муддат ичида бу қарздан қутилганини ҳамда «Тоджпромбанк»дан олинган 15 миллион долларлик қарз ҳам узилганини айтди.
«Тоджпромбанк» ходимининг сўзларига қараганда, Жамшед Абдулов Тожикистон бош вазирининг ўринбосари Давлатали Саид «Тоджпромбанк»нинг мижозлари бўлмиш бир гуруҳ тадбиркорлар билан учрашувдан кейин ҳибсга олинди. Лицензиядан маҳрум бўлган банкнинг омонатчилари бош вазир ўринбосарига айрим олигархлар, жумладан Жамшед Абдулов «Тоджпромбанк»ка кўп миллионли кредитларни қайтара олмаётганларини ва шунинг учунҳам ўз пулларини қайтара олишмаётганини айтишган эди.
Жамшед Абдулов Матчо туманидаги Такели қишлоғида жойлашган «Олим-Текстайлз» ЁАЖга эгалик қилади. Корхона 2010 йил 25 март куни Тожикистон раҳбари Эмомали Раҳмон иштирокида ишга туширилган эди.