Улар орасида амалдорлардан ташқари, балет артисти Николай Цискаридзе, режиссер Владимир Хотиненко, актерлар Михаил Боярский ва Владимир Машков, дизайнер Валентин Юдашкин, пианист Денис Мацуев, Comedy Club резидентлари Гарик Харламов ва Михаил Галустян, совет хоккейчиси Владислав Третьяк ва аралаш жанг санъати бўйича жаҳон чемпиони Федор Емельяненколар бор эди. Йиғилиш аввалида иштирокчиларга Оливер Стоуннинг "Путин" ва Алексей Пимановнинг "Крым" фильмлари намойиш қилинди.
Путин бу мажлисда иштирок этмади. Кремлда ташаббус гуруҳи йиғилишида президентнинг иштирок этмаганига изоҳ беришар экан, унинг “иш графиги” ўта тиғиз эканлиги билан изоҳлашди. Давлат ахборот агентликлари маълумотларига кўра, ўзининг номзоди кўрсатилаётган бир вақтда Путин ҳукумат аъзолари иштирокида "йил якунларини муҳокама қилган". Ундан аввал эса у Кремл арчасига келган болалар билан учрашди. Давлат раҳбари болаларга ,жумладан Россияни бошқариш ўзи учун мураккаб эканлигини айтиб берган. "Чунки бу мамлакатда сиз каби болалар истиқомат қилади ", – дея баёнот берди Путин.
Путин 65 ёшда. У Россияга 1999 йил охиридан бери раҳбарлик қилади. У 13 йил мамлакат президенти сифатида, яна тўрт йил Россия ҳукумати раҳбари сифатида фаолият юритди.