Намояндаи расмии дафтари минтақавии ширкати Kaz Minerals Ермек Дюзкенев 28 декабр корпартоии кормандони ин ширкатро рад кард ва хабарро беасос донист.
Ба гуфтаи ӯ, кор дар кон тибқи барнома давом доранд. Ба он напайвастани коргарони басти субҳгоҳиро Дюзкенев ба баргузории ҷаласа рабт дод ва афзуд, ки раҳбарияти ширкат бо иштироки кормандон ҷаласаеро баргузор кардааст.
"Куҳканҳо ба саволҳояшон ҷавоб гирифта, пешниҳодҳои худро доданд. Масъалаи боло бурдани ҳаҷми маош ва ҷорӣ кардани басти севум баррасӣ шуд. Инро набояд корпартоӣ ё гирдиҳамоии беиҷозат номид", - навиштаанд расонаҳои маҳаллӣ ба нақл аз Дюзкенев.