Намойишчилар Эрон руҳонийси оятуллоҳ Али Ҳоманайининг суратларини кўтариб олган ва норозилик намойишлари иштирокчилари қораланган шиорлар илгари сурилди. Улар норозилик намойишларини қўллаб-қувватлаётган Қўшма Штатлар, Саудия Арабистони ва бошқа мамлакатларни айблаб чиқишди. Куни кеча Ҳоманайи норозилик намойишлари “Эрон душманлари” томонидан уюштирилаётганини айтган эди.
Эронда аксилҳукумат намойишлари 28 декабрда бошланди ва мамлакатнинг кўплаб туманларини қамраб олди. Аввалига намойишлар иқтисодий шиорлар остида бўлиб ўтди, бироқ кейинчалик сиёсий аҳамият касб эта бошлади.
Кутилмаган намойиш иштирокчилари очиқчасига ҳукумат ва руҳонийлар режимидан норозиликларни айта бошлашди, айрим ҳолларда полиция ва ҳукумат қуролли отрядлари билан тўқнашувга боришди. Норозиликлар бошланганидан бери камида 20 киши ҳалок бўлди. Эронда норозилик намойиш иштирокчилари ўз ҳаракатларини мувоффиқлаштириб турган айрим ижтимоий тармоқлар ва мессенджерлар блокланди.
Эрон ҳукуматини кескин танқид қилувчи АҚШ Президенти Дональд Трамп очиқчасига норозилик намойиш иштирокчиларини қўллаб-қувватлади. "Вақт келади, сиз Қўшма штатлар томонидан катта қўллаб-қувватлаш бўлишини кўрасиз", – деди АҚШ президенти чоршанба куни Эрондаги намойишчиларга қарата.
Вашингтон Эронда зўравонликлар кучайиб бораётгани сабаб БМТ Хавфсизлик Кенгашининг фавқулотда мажлиси ўтказилишини талаб қилмоқда. Сешанба куни БМТда уюштирилган брифингда АҚШнинг БМТдаги доимий вакили Никки Хейли жасорат кўрсатаётган эронлик намойишчиларни мақтади ва мамлакатнинг барча ҳудудларида кузатилаётган намойишлар кутилмаганда пайдо бўлганини, ташқаридан уюштирилмаганини таъкидлаб ўтди.