Бу ҳақда Ўзбекистон Мусулмонлар идораси матбуот хизмати хабар берди.
Хабарда айтилишича, собиқ маҳкумлар Самарқанддаги "Имом Бухорий" ёдгорлик мажмуасида бўлишган, шунингдек, Ўзбекистоннинг биринчи президенти Ислом Каримов мақбарасини ҳам зиёрат қилишган.
Эслатиб ўтамиз, Ўзбекистон Республикаси Конституцияси қабул қилинганининг 25 йиллиги арафасида президент Шавкат Мирзиёев 2 минг 700 нафар судланганларни афв этиш тўғрисидаги фармонни имзолаганди.
Ўтган бир йил давомида 14 нафар журналист, сиёсий партиялар фаоллари ва инсон ҳуқуқи ҳимоячилари Муҳаммад Бекжон, Аъзамжон Фармонов, Солижон Абдураҳмонов, Бобомурод Раззоқов, Ғанихон Маматхонов, Аъзам Турғунов, Рустам Усмонов, Самандар Қўқонов, Эркин Мусаев, Ботирбек Эшқўзиев, Баҳром Иброҳимов, Даврон Қобилов, Даврон Тожиев ва Муҳаммадали Қорабоев озод этилди.
Human Rights Watch инсон ҳуқуқларини ҳимоя қилиш ташкилоти маълумотига кўра, Ўзбекистон қамоқхоналарида яна 12 нафар инсон ҳуқуқи фаоли ва журналистлар қолмоқда.