Ссылки доступа

ҚРда иш жойида ухлаб қолган амалдор: Менга ухлатадиган дори беришган


Новқат тумани давлат статистикаси бўлимининг бошлиғи Расулбек Тошов Интернетда тарқалиб кетган видео бўйича тушунтириш берди. Бу видеода унинг кабинетида одамлар спиртли ва бошқа турдаги ичимликлар билан безатилган стол атрофида ухлашаётгани тасвирланган.

Унинг сўзларига қараганда, бу тасвир уни қоралаш учун, рақиблари томонидан, президент сайловидан кейинги куни – 16 октябрда олинган:

- Ўша куни мен сок ичдим. Душманларим унга димедрол қўшиб қўйишган экан. Видео мени қоралаш мақсадида олинган. Мен спиртли ичимликлар ичмайман. Видеода менинг ёнимда тасвирга олинган киши милиция ходими эмас, оддий фуқаро.

Расулбек Тошовнинг сўзларига қараганда, унинг рақиблари статистика бўлимининг аввалги бошлиғи Байиш Дубанаев билан бирга ишлаган ҳамкасбларидир.

Эслатиб ўтамиз, 9 январь куни Интернетда Расулбек Тошовнинг кабинетида икки киши стол атрофида ўтиргани тасвирланган видео тарқалди. Стол устида спиртли ичимликлар, соклардан бўшаган шишалар кўриниб турибди. Бир қатор маҳаллий ОАВ видеодаги эркаклардан бири Новқат ТИИБ бошлиғи эканлигини ёзишди. Аммо Ўш вилояти ИИББ матбуот хизматининг ходими Жанна Сатарова бу ахборотни инкор қилди.

XS
SM
MD
LG