Ссылки доступа

Россиялик 40дан ортиқ спортчи Спорт ишлари бўйича Ҳакамлик судига даъво аризаси билан мурожаат қилди


Спорт ишлари бўйича Ҳакамлик суди (CAS) россиялик спортчилардан Олимпиада ўйинларида иштирокини тақиқлашни бекор қилишни сўраб ёзилган 42та мурожаатни рўйхатга олганини маълум қилди.

Швейцариядаги суднинг маълум қилишича, мазкур иш 22 январдан бошлаб кўриб чиқилади, якуний қарор эса ой охирларида қабул қилиниши режалаштирилган.

Ҳалқаро олимпия қўмитаси (ҲОҚ) 2014 йилда Сочида бўлиб ўтган қишки Олипиада ўйинларида Россия допинг дастурини қўллагани борасида қарор қабул қилган эди.

Допинг қабул қилмаганини исботлаган россиялик спортчиларга бетараф байроқ остида мусобақаларда иштирок этишга рухсат берилди.

2018 йилги Қишки Олимпия ўйинлари Жанубий Кореянинг Пхенчхан шаҳрида 9 - 25 февраль кунлари бўлиб ўтади.

XS
SM
MD
LG