Бұл Абдулла Ариповтің премьер-министр болғалы Тәжікстанға бірінші сапары. Күн тәртібіне сәйкес, оны Тәжікстан президенті Эмомали Рахмон қабылдайды.
Тәжікстан президенті баспасөз хатшысы Абдуфаттох Шарифзоданың хабарлауынша, кездесуден кейін сауда-экономикалық ынтымақтастық жөніндегі тәжік-өзбек үкіметаралық комиссияның отырысы өтеді.
Сонымен бірге тәжік-өзбек шекарасын делимитациялау және демаркациялау жөніндегі комиссия жұмысы жалғаспақ. Өзбек премьері сапарының қорытындысы бойынша, екі жақты келісімдерге қол қойылмақ.
Тәжікстан сыртқы істер министрлігіндегі дереккөздің хабарлауынша, Абдулла Арипов 10-11 қаңтарда Душанбеде Өзбекстан президентінің сапарына дайындық жұмыстарын жүргізеді.