2017 жылдың жұмысын қорытындылаған ТР МҰҚК басшысы Саймумин Ятимов бір жыл ішінде тәжік-ауған шекарасында 31 қарулы қақтығыс болғанын айтады.
Сонымен бірге өткен жылы жылпы 1700 келі есірткі тәркіленген. Шекара бекеттерінде халықаралық іздеуде болған 152 адам ұсталған.
«Тәжік шекарашылары 25 қару-жарақ, 605 оқ-дәрі, 9 қолдан жасалған бомба, 40 әскери құрал тәркіледі», - делінген жыл қорытындысында.
Тәжік-ауған шекарасының қашықтығы - 1400 шақырым. Оның негізгі бөлігі таулы аймақтар. Контрабандашылар шекарадан өту үшін, осы таулы мекендерді пайдаланады.