«Уюшган жиноий гуруҳлар(УЖГ)га қарши курашда биринчи навбатда сиёсий ирода керак. Агар буни ИИВ тан олмайдиган бўлса, мен очиқчасига айтаман, парламентдаги айрим ҳамкасбларим қўлга олинганиларидан кейин ёки суд жараёнларида уюшган жиноий гуруҳ аъзоларига қўнғироқ қилиб, уларни чақириб олмоқда», - деди депутат «Азаттық» (“Озодлик” радиосининг қирғиз хизмати)нинг «Ынгайсыз суроолор» дастурида Қирғизистон бизнесида уюшган жиноий гуруҳларнинг таъсири муҳокамасида.
Сурабалдиева депутатларнинг бу каби ҳаракатларини тушуна олмаслигини билдирди. «Улар ўзларининг бизнесида фойдаланишади, шундай ишлар ҳам борки УЖГлар ИИВ вазифаларини бажаради, милицияга эмас балки уларга нафақат оддий фуқоролар, ҳатто сиёсатчилар ҳам мурожаат қилмоқда», - дея ҳайратга тушади депутат.
УЖГ аъзоларининг тадбиркорларга таъсири ҳақидаги мунозаралар Иссиқкўлдаги «Осьминог» қаҳвахонасида юз берган ёнғиндан сўнг фаоллашди. Қаҳвахона эгаси ёнғинни уюштиришда жиноий гуруҳ вакилларининг қўли борлигини айтади. Маҳаллий милиция ёнғинга “газ балонининг портлаши” сабаб бўлган бўлиши мумкинлигини маълум қилди.
Ҳодиса Жўқорғу Кенешда ҳам муҳокама қилинди. Мажлисда депутат Эльвира Сурабалдиева тадбиркорларни ҳимоя қила олмаётган куч ишлатиш салоҳиятига эга идоралар фаолиятини кескин танқид қилди. Парламентнинг бошқа бир аъзоси Дастан Бекешев эса ресторан эгаси аввалроқ уюшган жиноий гурух аъзолари томонидан бўлаётган босим ҳақида милицияга мурожаат қилганини, бироқ ҳуқуқ тартибот идоралари ходимлари гумондорни қўйиб юборганини таъкидлади.