Аввалроқ, якшанба куни баъзи нашрлар Песковнинг “Россия 1” телеканалига берган интервьюсига ҳавола қилган ҳолда, гўёки Путин ва Порошенконинг яширин учрашган пайтлари бўлганлигини хабар беришган эди. Украина томони Россия ОАВ Песковнинг сўзларига ҳавола этган ҳолда эълон қилган маълумотларни рад этиб, бунга дарҳол акс-таъсир кўрсатди.
"Ҳеч ким ҳеч қандай учрашувлар ҳақида гапирмади”, – деб изоҳ берди Песков ТАСС билан суҳбатда.
Интервью олиб бораётган ходима Путин ва Порошенконинг охирги учрашуви қачон бўлганлигига қизиқди. У “ўтган йили шундай мулоқотлар бўлганлиги, бу ҳақда матбуотда кейинроқ, бир неча ой ўтгандан сўнг, хабар қилингани”ни эслатди. Бунда у, эҳтимол, 2017 йил май ойида Порошенко икки ой илгари телефон орқали Путин билан суҳбатлашганини баён қилганлигини назарда тутган бўлиши мумкин. Кремль матбуот хизмати ҳақиқатан ҳам ўша учрашув ҳақида хабар қилмаган эди, деб таъкидлайди ТАСС.