Тадқиқотда бир ҳодиса қайд қилинади. Унда таъкидланишича, Душанбеда истиқомат қилувчи З. С. Сурияга йўл олади, аммо кўп ўтмай бошқа аёлларни ёллаш мақсадида юртига қайтади ҳамда хавфсизлик кучлари томонидан 2016 йилда ушланади. Тожикистонлик яна бир - Сўғд вилоятидаги тунги клубларнинг бирида раққосалик қилган, аёл Сурияга йўл олиб экстремистларга қўшилиш “иштиёқида” бўлади, охир оқибат умрининг 12 йилини қамоқда ўтказадиган бўлди.
Хабарларга қараганда, раққоса Р. М. Ва унинг эрини Сурияга йўл олишигаайни дамда Сурияда бўлган ўз акаси “руҳлантирган”.
Лондондаги Қироллик коллежи эксперти ва тадқиқот ҳаммуаллифларидан бири Анна Матвееванинг сўзларига қараганда, тожик аёлларининг маълум қисми ўзларининг шахсий ҳаётларидаги муаммоларни бартараф этиш мақсадида Яқин Шарққа йўл олишади.
«Улар ўз муҳаббатларини, жуфтларини, янги ҳаётни излаб йўлга чиқадилар. Бироқ кўп ҳолларда ўзга юртларда кутилмаган вазиятнинг гаровига айланишади ва муаммодан чиқишнинг бирдан бир йўли экстремистларга қўшилиш деб ҳисоблашади», - дейди Анна Матвеева.
2016 йилнинг ноябрида Тожикистон ИИВ расмий веб-сайтида терроризмда айбланган шахсларнинг фотосурати эълон қилинди, улар орасида беш нафар аёл бор эди. Бир аёл қўлида автомат ушлаган ҳолда акс этган эди.
Тадқиқот муаллифларининг фикрича, умуман олганда Тожикистонда экстремизмда аёлларнинг роли ошиб бормоқда ва айнан шу омил 1997 йилда мамлакатда ўрнатилган тинчлик ва хавфсизликка таҳдид солади.