Россия ТРХ бошлиғи Сергей Наришкин ўтган ҳафтада Қўшма Штатларга борган ва америкалик ҳамкасблари билан музокаралар ўтказган эди. Бу музокаралар давомида “терроризмга қарши биргаликда кураш” муҳокама қилинганди, - деди яқинда Россиянинг Вашингтондаги элчиси Анатолий Антонов.
Сенатор Чак Шумер ҳаммаси ҳам у қадар шаффоф эмаслигидан ва Наришкин бир ўзи келмаганлиги эҳтимолидан хавотирда. У Трамп маъмурияти здлик билан Наришкин қайси америкалик мулозимлар билан учрашганлигига ойдинлик киритиши зарур, деб ҳисоблайди. Шунингдек, санкцияларнинг таъсири доирасига тушган, Россия разведка хизматидан бўлган яна қайси шахсларни Трамп маъмурияти АҚШга киритган бўлиши мумкин.
Шумер РТХ бошлиғининг сафари вақт бўйича Трамп маъмуриятининг Россияга нисбатан янги санкциялар киритмаслик ҳақидаги қарори билан бир пайтга тўғри келиб қолганини ҳам таъкидлади.
Сешанба куни АҚШ Молия вазирлиги “Кремль маърузаси”, яъни – Россия президенти Владимир Путинга яқин шахсларнинг рўйхатини эълон қилди. Бу ҳужжатга 210 киши кирган. Улар орасида Россия ҳукуматининг барча аъзолари, Путин маъмуриятининг ходимлари, давлат корпорациялари, ҳуқуқни муҳофаза қилиш органларининг раҳбарлари ва олигархлар бор. “Кремль маърузаси”да кўрсатилган мулозимлар ва тадбиркорларга нисбатан санкциялар киритилиши мумкин, бироқ, АҚШ президенти Дональд Трамп маъмуриятида айтишларича, бу яқин орада бўлмайди. Москва “Кремль маърузаси”ни 2018 йил мартда режалаштирилган Россия президенти сайловига таъсир кўрсатишга “яққол уриниш” деб айтмоқда.