"Менинг мақсадим унинг (Раҳмат Оқиловнинг - таҳр.) бизнинг орамизда эркин ҳаракатланишини мутлақо чеклашдир", - деб айтди прокурор.
Оқилов 2017 йилнинг 7 апрелида Стокҳолм марказидаги Дроттнинггатан кўчасида юк машинасини пиёдалар устига ҳайдаган. Оқилов машинада катта тезликда қарийб 600 метр масофани босиб ўтиб, 18 нафар кишини устидан ҳайдаган ва савдо марказига бориб урилган. Полиция машинада қўлбола бомба: шуруп, метал парчалари ва лезвие синиқлари билан тўлдирилган 5 та бутан гази канистирларини топган.
Оқибатда, 11 яшар бир қизалоқ дохил 5 одам ўлган, 14 киши жароҳатланган эди.
Ўша куниёқ қўлга олинган 39 яшар Раҳмат Оқилов жиноятни бўйнига олган. Оқилов 2014 йил Ўзбекистонни тарк этиб, Швецияга кетган ва у ерда қурувчи бўлиб ишлаган. У сиёсий бошпана сўраган, аммо рад жавобини олган. Швеция ҳукуматида уни депортация қилиш ҳақида буйруғи бўлган.
Оқилов террорчилик ҳаракатини содир этганини тан олган ва "Ислом Давлати" гуруҳидан буйруқ олганини айтган. Шунингдек, у қилмишидан афсус бўлмаганини билдирган. Aftonbladet нашрига кўра, "Оқилов ҳужумдан сўнг омон қолишини кутмаган". Аксинча, юк машинасини портлатиб, ичида ўзининг ҳам ўлшини режалаган.
Оқилов устидан маҳкаманинг февралда бошланиши кутилмоқда. Унга қарши 155 киши даъво аризасини киритган, буларнинг 5 таси қурбонларнинг яқинлари, 15 таси оғир жароҳатланганга тегишли.