Ссылки доступа

ДИ масъулияти ҳамла ба калисои Доғистонро ба зимма гирифт


Гуруҳи даҳшатафкани "Давлати исломӣ" (ДИ) масъулияти ҳамла ба калисои православҳо дар шаҳри Кизляри Доғистонро, ки 5 кушта бар ҷой гузошт, ба зимма гирифтааст. Дар ин бора хабаргузории Reuters бо такя ба сомонаи марбути тундравон - Amaq иттилоъ медиҳад.

Пештар РБК бо истинод ба манобеи худ дар ҳукумати Доғистон аз ҳамлагар Халил Халилови 22-сола ном бурд. Бино ба маълумоти пешакӣ, ӯ узви яке аз ҷиноҳҳои ДИ будааст.

РБК мегӯяд, эҳтимол дорад, Халилов соли гузашта ба ДИ пайваста бошад. Зеро номи вай дар рӯйхати аъзои маълуми гуруҳи даҳшатафкан нест ва ҳамчунин мақомоти махсус дар бораи иштироки ғайриқонунии ӯ дар ҷангҳои хориҷӣ маълумот надоранд.

Халил Халилов шаби якшанбе ба бинои калисои православҳои Кизляр ҳамла карда, ба самти ибодаткунандагон оташ кушод. Дар натиҷа 5 кас ҷон бохта, 5 тани дигар захм бардоштанд. Худи ҳамлагарро нирӯҳои Горди Русия маҳв карданд.

XS
SM
MD
LG