Облустук дарыгер Марип Ибраимов Бишкектен кан тамыр хирургу Жунус Акышовдун келишин күткөн. Бейтап аман калган. Бул тууралуу Фейсбукка жаш дарыгер Элзар Токтоназаров жазды.
Бакай-Ата аймактык ооруканасына 21-февраль кечки саат 20:00дө бычак жараты менен оор абалда 30 жаштагы жаран келип түшкөн. Аны операцияга даярдашкан. Санавиация аркылуу Бишкектен кан тамыр хирургу чакыртылган. Ал 22-февралда таңкы саат 04:00дө келип, операцияны ийгиликтүү жасаган.
Хирургдун маалыматы боюнча бейтаптын абалы туруктуу. Ал мас абалында мушташып, бычак жеген.