"Тошканд дар Осиёи Марказӣ нахустин шаҳре хоҳад буд, ки шабакаи баландсуръати интернети беноқил хоҳад дошт", - омадааст дар иттилоияи ширкат.
Дар ҳоли ҳозир дар пойтахти Ӯзбекистон 1200 нуқтаи пайвастшавӣ ба Wi-Fi амал мекунад. Қарор аст, то баҳори соли оянда шумори онҳо ба 5000 расад.
"Низоми SOLA ду навъи дастрасиро пешбинӣ мекунад - ройгон ва бо пардохт. Интернети ройгон баъди дидани таблиғот фароҳам мешавад. Интернети пулакӣ босуръаттар ва бе маҳдуд аст", - афзудааст ширкат.
Дар ояндаҳои наздик ин ширкат дар шаҳрҳои сайёҳии Ӯзбекистон ҳам Wi-Fi насб хоҳад кард.