Бухара облусунун Каган райондук улуттук банкынын атын атагысы келбеген кызматкери 13-декабрда кесиптештери менен бирге көчөлөрдү үймө-үй кыдырып, салык чогултушканын айтты:
—Жумуш саат 9да башталат. 10:00дөн 16:00гө чейин маалелерди кыдырып, жер жана кыймылсыз мүлк салыгын чогултабыз. Ар бирибизге экиден квартал беришкен. Маале төрагасы жана жардамчысы да биз менен чогуу жүрөт. Андан соң райондун борбордук банкынын өкүлүнө маалымат беребиз.
Бухара облусунун борбордук банкынын жооптуу кызматкери бул маалыматты тастыктады, бирок анын себептерин түшүндүргөн жок. Ташкенттеги Борбордук банктын өкүлү жетекчилик кызматкерлердин салык чогултууга тартылышына тиешеси жок экенин айтты.
Бухара облустук прокуратурасы бул боюнча маалымат бере элек.
