Ссылки доступа

Түркмөн прокуратурасы Жаңы жылга акча чогулткан мектеп, бала бакча жетекчилерине эскертүү берүүдө


Ашхабаддагы жаңы жылдык майрам (архив сүрөт)

Ашхабадда жаңы жылдык иш-чараларга деп ата-энелерден акча чогулткан мектеп жана бала бакча жетекчилери прокуратурага чакырылууда. Бул тууралуу «Түркмөнстан хроникасы» басылмасы билдирүүдө.

Буга чейин борбордогу бала бакчаларда Жаңы жыл майрамына карата ата-энелерден 80 манаттан (23 долларга жакын) акча чогултулуп жатканы кабарланган.

«Ата-энелердин даттанууларынан кийин Ашхабад прокуратурасы шаардагы мектеп жана бала бакча жетекчилерин чакырууда. Анда директорлорго кылмыш же административдик жоопкерчиликке тартылышы мүмкүндүгү эскертилип жатат», — деп жазды «Түркмөнстан хроникасы».

Басылманын маалыматына караганда, бала бакчадагы майрамдык иш-чарага Аяз ата менен Аяз кызды чакыруу үчүн ата-энелерден 50 манаттан, аз камсыз болгон үй-бүлөлөрдөн 30 манаттан талап кылынган.

Видео

Видео

Абдулла өтүкчүнүн өзгөчө маасылары
пожалуйста, подождите

No media source currently available

0:00 0:03:56 0:00
XS
SM
MD
LG