"Мо талош кардем, ки утоқҳои бозпурсиро бо ҳама ашёи лозимӣ таъмин кунем. Бо нармафзорҳо, деворҳои шишаӣ, дастгоҳҳои сабт. Ҳамаи инҳо кумак мекунанд, ки дар утоқҳои бозпурсӣ шиканҷа сурат нагирад", - гуфт сафири Иттиҳоди Аврупо дар Қирғизистон Эдуард Ауэр.
Навори бозпурсиҳо ба таври худкор дар пойгоҳҳои интернетӣ сабт мешаванд, ки пок карданашон номумкин мегардад.
Лоиҳаи санҷишӣ дар навбати аввал маҳз дар шуъбаҳое амалӣ шудааст, ки дар гузашта шумори бештари поймолшавии ҳуқуқи инсонро доштанд. Шуъбаи корҳои дохилии ноҳияи Свердлови шаҳри Бишкек аз рӯи шумори шикоятҳо ҷои аввалро касб мекард.
Роҳандозии лоиҳаи нав милисаҳоро низ ҳимоят мекунад. Шикоятҳои бардурӯғ дар бораи шиканҷа дигар номумкин мегардад. Ин тағйирот оғози ислоҳоти вазорати корҳои дохилии Қирғизистон хоҳад буд.