Ссылки доступа

Трамп "Аль-Каиданын" командирлеринин бири өлтүрүлгөнүн жарыялады


АКШ президенти Дональд Трамп 2000-жылы америкалык "Коул" эсминецине кол салууну уюштурду делген кишилердин бири өлгөнүн жарыялады. Теракт учурунда 17 америкалык моряк мерт болгон.

Трамп жекшембиде Твиттерге “Биздин аскерлер "Коул" эсминециндеги кол салуудан өлгөн жана жаракат алган каармандардын атынан сот адилеттүүлүгүн отнотушту. Биз бул операцияга кол башчылык кылган Жамал аль-Бадавини өлтүрдүк", - деп жазды. Ал "Аль-Каидага" каршы күрөш уланарын белгиледи.

Бир нече күн мурун америкалык аскерлер шейшембиде Йемендин Мариб провинциясына абадан сокку жасалганын, чабуул аль-Бадабиге багытталганын билдиришкен. Ал ФБР тарабынан түзүлгөн террорчулардын тизмесинде болгон.

"Коул" эсминеци 2000-жылы октябрда Аден портунда кол салууга кабылган. Анын натыйжасында 17 америкалык моряк мерт болгон. Жардыруу үчүн "Аль-Каида" тобу жоопкерчиликти өзүнө алган.

Йемен бийлиги аль-Бадавини 2000-жылы камакка алган, бирок ал 2003-жылы түрмөдөн качып кеткен.

Сот аль-Бадавини терроризм, анан ичинде АКШ жарандарын жана аскер кызматкерлерин өлтүрүүгө күнөөлөгөн. "Коул" эсминецин жардыруу аракетинен тышкары ал АКШ аскердик деңиз күчтөрүнүн кемесине кол салууга катышы бар деп айыпталган.

Видео

Видео

Айылына спорт зал салып берген мигрант
пожалуйста, подождите

No media source currently available

0:00 0:03:56 0:00
XS
SM
MD
LG