Маалыматтарга караганда, ал эмгек визасы менен Түркияда иштеп жүргөн жана туугандарына жолугуу үчүн Түрмөнстанга келген.
“Азаттыктын” түркмөн кызматы кабарлагандай, жүргүнчү миграциялык көзөмөлдөн өткөндөн кийин полиция кызматкерлери аны суракка алып кетишкен. Укук коргоо органдарынын кызматкерлерин аялдын багажындагы Куран китеби кызыктырган.
Жүргүнчү аял 24 саатка кармалып, суракка алынган. Ал бир нече Куран китебин туугандарына белекке берүү үчүн алып келе жатканын айткан.
Тартип сакчылар аялдан Куран китебин окуп берүүнү талап кылышкан. Бирок ал даараты жок окуудан баш тарткан. Бирок полиция кызматкерлери аны мажбурлап окутушкан. Эртеси Ашхабад мечиттериндеги молдолордун бирин алып келишкен, ал аял китепти туура окуганын тастыктаган.
Лебап облусуна келгенде жергиликтүү укук коргоо органдары аялды кайрадан суракка алышкан. Ага өлкөдөн чыгууга тыюу салынган.
