Муминжонова 140 сааттан ашык сабак калтырганы үчүн академиядан четтетилген. Студент окуу жайдын жетекчилиги хиджап кийүүгө тыюу салгандыктан, окууга барган эмес. Ал дин тутуу эркиндиги бузулганын, академиянын окууга киргизбей жатышы – мыйзамсыз экенин билдирип, сотко кайрылган.
Сот Муминжонова окуу жайдын ички эрежелерин бузгандыктан академиядан четтилгенин белгиледи.
Эл аралык ислам академиясында жоолук салынууга 2018-жылдын сентябрында тыюу салынган. Жогорку окуу жай хиджап эле эмес, джинсы шым, кыска юбка кийүүгө да уруксат бербейт.
Өзбекстандын Эл аралык ислам академиясы 2018-жылы апрелде президент Шавкат Мирзиёевдин жарлыгы менен түзүлгөн.
Академия ислам тарыхын изилдөөгө, суфизм жана ислам экономикасын окутууга негизделген. Мындан тышкары араб, перси, англис, орус, урду, түрк жана немис тилдерин үйрөтөт.