Ссылки доступа

Дональд Трамп сўнгги дақиқларда Эронга зарба беришни бекор қилди


Дональд Трамп
Дональд Трамп

АҚШ президенти Дональд Трамп Теҳрон томонидан учувчисиз аппаратни уриб туширилганига жавоб сифатида Эронга қарши зарба бериш тўғрисидаги ўзи томонидан аввал қабул қилинган қарорни сўнгги дақиқаларда бекор қилди.

Трамп маъмуриятидаги манбага таянган ҳолда The New York Times газетасининг ёзишича, самолётлар ҳавода, кемалар ўз мавқени эгаллаб бўлган эди, аммо амалиётни тўхтатиш борасида буйруқ келгани боис бирорта ҳам ракета отилмади. АҚШ президенти нима учун фикрини ўзгартиргани борасида мақолада ойдинлаштирилмаган. Шунингдек, ҳозирча “зарбалар берилиши мумкинлиги” ҳам маълум эмас.

Нашр маълумотига қараганда, зарбалар жума куни эрталаб берилиши кутилган эди. Эрон ҳудудларидаги айрим объектлар, жумладан ракета қурилмалари нишонга олиниши керак эди.

Кейинроқ Пентагондаги манба Associated Press агентлигига АҚШ Эрондаги нишонларга зарба беришга тайёргарлик кўрганлигини, аммо ҳужум бошланишидан аввалроқ буйруқ бекор қилинганини тасдиқлади.

Куни кеча Эрон Америкага тегишли учувчисиз разведка қурилмасини уриб туширган эди. Эрон расмийларининг таъкидлашларича, дрон Эрон ҳудудларига бостириб кирган. Разведка аппаратидан айриб қолинганини Пентагон тан олди. Маълум қилишларича, аппарат бетараф сув ҳудудларида уриб туширилган. Кейинроқ АҚШ президенти Дональд Трамп баёнот бериб, Эрон томонидан Америкага тегишли разведка учувчисиз аппарати хатолик оқибатида уриб туширилганини, атайлаб содир этилганига ишониши қийинлигини таъкидлади.

Ҳодиса икки мамлакат ўртасидаги муносабатларнинг ўта кескинлашган бир пайтда юз берди. АҚШ Теҳронни Уммон кўрфазида нефт танкерларига ҳужум қилганликда ва бошқа душманона ҳаракатлар қилганликда айблайди. Экспертлар ҳарбий низо хатаридан огоҳлантирмоқда.

XS
SM
MD
LG