Россия президентининг вакили бундан аввалроқ, томонлар стратегик барқарорлик ва минтақавий можароларни муҳокама қилишларини айтган эди. Жумладан, Украина, Сурия, Корея ярим ороли, Афғонистон ва Венесуэладаги вазият, шунингдек «Эрон дастури» муҳокама қилиниши билдирилган эди.
Учрашувнинг биринчи дақиқаларида Дональд Трамп Владимир Путин билан савдо ва қуролсизланиш масалаларини муҳокама қилмоқчи эканлигини маълум қилди. Трамп россиялик ҳамкасби билан музокараларда аъло самараларига умид қилаётганлигини таъкидлади. Путин Осакада Трамп билан учрашув Хельсинки саммитидаги мулоқотни давом эттириш учун яхши имоният эканлигини қайд қилди.
Хельсинкида Путин ва Трамп саммити 2018 йилнинг июлида бўлиб ўтган эди. Икки мамлакат етакчилари Финландия президенти саройининг Готик залида учрашган эди. "Икки мамлакат ўртасидаги муносабатлар яхши эмас эди, аммо мамлакатларимизда муносабатларни йўлга қўйиш имкониятлари мавжуд. Менинг фикримча, натижада бизда буюк муносабатлар ўрнатилади", – деди учрашув аввалида АҚШ президенти.
Икки президент ўртасидаги яккама якка учрашув бир неча соат давом этди. Учрашув якунида Трамп баёнот бериб, учрашув– "ҳамма нарса учун яхши бошланиш" эканлигини таъкидлади.
Бундан аввал президентлар 2017 йил январида Германиянинг Ҳамбург шаҳрида бўлиб ўтган «Катта йигирмалик» саммитида қисқача учрашган, ундан кейин эса 2017 ноябрида Вьетнамда бўлиб ўтган Осиё Тинч океани иқтисодий Ҳамжамияти саммитида кўришган эдилар. Бироқ бу учрашувларни тўла қонли музокаралар деб атаб бўлмасди.
Путин ва Трамп учрашуви ҳақида бир ой муқаддам Москвага АҚШ президентининг миллий хавфсизлик бўйича маслаҳатчиси Джон Болтон келганида мухокама қилинган эди.