Ишни кўриб чиққан Шимкентнинг Энбекшин тумани суди судьяси Айнел Оракбаева Балтабайни Жиноят кодексининг 189-моддаси (ишониб топширилган мулкни ўзлаштириш ёки талон-тарож қилиш) бўйича айбдор деб топишга қарор қилди. Суд уни суд залида ҳибсга олиш ҳукмини чиқарди.
Ерлан Балтабай судда судьянинг ҳукмга изоҳини эшитишидан бош тортишини, ҳукм устидан шикоят қилишга эришажагини қўшимча қилди. Полициячилар Балтабайни суд залидан қўлига кишан солган ҳолда олиб кетишган.
Ҳукмга кўра, маҳбус жазо муддатини ўртача хавфсизликдаги муассасада (умумий режимдаги колония – эски классификация бўйича) ўташи керак. Ҳозирча ҳукм қонуний кучга кирмаган.
Иш бўйича жабр кўрган сифатида кўрилган касаба уюшманинг собиқ аъзоси Роза Нурекеева ҳукмни изоҳлашдан бош тортган. Ерлан Балтабай ва унинг адвокати судда касаба уюшма аъзоси қонунчиликкаа биноан аъзолик бадалларини қайтаришни талаб қилишга ҳаққи йўқлигини даъво қилишди.
Ерлан Балтабай судда қандайдир ўмариш ҳодисаси содир бўлганини рад этиб, 2015 йилда унинг касаба уюшмаси фаолияти тўхтатилгани боис касаба уюшма бадаллари сақланишини таъминлаш учун чоралар кўришга мажбур бўлганини айтди. Унинг касаба уюшмаси бошқалар билан бир қаторда 2014 йилда қабул қилинган касаба уюшмалари тўғрисидаги қонун билан чекланган қайта рўйҳатдан ўтиш талабларини бартараф эта олмаган.
Прокурор Баглан Али 15 июль куни суддан Ердан Балтабайни айбдор деб топишни ва саккиз йилга озодликдан маҳрум этиш жазоси берилишини сўради. Мустақил “Муносиб меҳнат” касаба уюшмаси ташкилоти раиси ва ёқилғи-энергетика комплекси тармоқ касаба уюшмаси раиси Ерлан Балтабайга нисбатан иш ўтган йилнинг апрелидан бери Шимкентнинг Энбекши туман судида кўрилаётган эди. Балтабайнинг ўзи унга нисбатан очилган ишни расмийларнинг мустақил касаба ташкилотларини ёпишга қаратилган уриниши деб баҳолади. 2017 йилда Балтабай Женевадаги Халқаро меҳнат конференциясида мустақил касаба уюшмаларига нисбатан қатағонлар тўғрисида сўзлаган эди.