«Ҳеч қандай сир йўқ. Сиз биласиз, мен ҳар доим ҳам амалдаги, ҳам олий мансаб лавозимлардан кетган ҳамкасбларим билан алоқалар учун очиқман. Ҳа, мен ҳақиқатда Алмазбек Шаршенович билан учрашдим. Биз минтақадаги ва Қирғизистондаги вазият тўғрисида гаплашдик», -деди Путин журналистларнинг саволига берган жавобида.
Бундан ташқари, қайд этилишича, Путин позицияси яхши маълум экани, Атамбаевгача ҳам бу позицияни етказганини айтган. «Мен ҳисоблайманки, Қирғизистон – бу бизнинг итттифоқчимиз, бизга яқин давлат, Қирғизистон бир неча етарлича жиддий ички сиёсий, агар аниқроқ айтадиган бўлсак, иккита силсилаларни бошдан ўтказди. Менинг қарашларимга кўра, энди Қирғизистон халқининг манфаатлари йўлида шу ерда тўхташ керак. Мамлакат сиёсий барқарорликка муҳтож, барча одамлар амалдаги президент атрофида бирлашишлари ва унга давлатни ривожлантиришда ёрдам беришлари керак. Бизда Қирғизистон билан ҳамкорликда кўп режаларимиз бор, биз шубҳасиз, амалдаги ҳокимият билан бу барча режаларни амалга ошириш кайфиятидамиз», - дея Россия президентдан иқтибос келтиради унинг матбуот хизмати.
Собиқ президент Алмазбек Атамбаев бошчилигидаги делегация Москвага 24 июль куни Кант авиабазасидан учган эди. Унинг маслаҳатчиси Кундуз Жолдубаева “энг олий даражада” учрашувлар режалаштирилганини хабар қилган эди.
Қирғизистон президенти Сооронбай Жээнбеков Москвага 11 июль куни қисқа амалий ташриф билан борган.
Алмазбек Атамбаев уч марта ИИВга сўроққа таклиф этилди, бироқ бирортасига бормади. Душанба, 22 июль куни Қўй-Тошга сўроққа бормаганлигига аниқлик киритиш учун ички ишлар вазири ўринбосари Мирлан Каниметов келди. Атамбаев адвокати Сергей Слесарев қайд этишича, у собиқ президент мақомига эга бўлгани учун сўроққа тутилиши мумкин эмас, Жокоргу Кенешнинг уни дахлсизликдан маҳрум этиш қарори эса Конституцион палатада баҳслашилган.
Эслатиб ўтамиз, парламент Алмазбек Атамбаевни 27 июнь куни собиқ президент мақомидан маҳрум этди.