Икки киши — Алмат Маратули ва Иса Курманбек — расмийлар “нифоқ уйғотишда” айблаётган Билашнинг таъқиб этилишига норозилик билдириш учун шаҳар маъмуриятига келишди.
— Серикжан қайсидир миллат ёки динга қарши чиқмаган. Шунинг учун биз унга қарши қўйилган айбловни асоссиз деб ҳисоблаймиз. Бугун акциям билан Серикжан Билашни қўллаган ҳолда судга таъсир кўрсатишни хохлайман, — дейди Алмат Маратули.
Акция қатнашчилари қўлида қозоқ ва инглиз тилларида ёзилган “Серикжан Билашга озодлик” қоғоз варақалари бор эди
Бугун Нур-Султонда Билаш иши бўйича дастлабки эшитувлар бошланди. Суд мажлисига фаолнинг ўнлаб тарафдорлари келишди. Мажлислар зали хохловчиларнинг барчасини сиғдира олмайди. Бинода мониторлар билан жиҳозланган, Серикжан Билаш жойлашган залдан бўлаётган ҳодисаларни намойиш этадиган иккита кабинет очишган. Ўнлаб одамлар кўчада қолмоқда.
Билаш ўзига қўйилаётган айбловларни сиёсий уйдирма деб рад этмоқда ва қўзғатилган ишни тўқиб чиқарилган, деб атамоқда.
Бутун мамлакат бўйлаб фуқаролар Билашни ва ҳуқуқ ҳимоячилари иддао этаётганидек, сиёсий айбловлар асосида таъқибга учраётган бошқа фуқароларни қўллаб-қувватлаб, уларни озод этиш талаби билан якка акциялар ўтказишмоқда.
Серикжан Билаш Шинжондаги қозоқлар ҳуқуқларини ҳимоя қилишга қаратилган фаолияти билан машҳур. Унинг рўйхатдан ўтишда муваффақиятсизлика учраган «Атажұрт еріктілері» ташкилоти биринчилардан бўлиб, Хитойдаги этник камчиликларга босим кўрсатиш ва у ерда мавжуд бўлган “сиёсий тарбиялаш лагерлари” ҳақидаги масалани кўтарган. Билаш ва унинг ташкилоти охирги ики йил ичида қозоғистонлик ва хорижий журналистларни таклиф қилиш орқали қатор матбуот анжумаларини ташкил этди. Конференциялар иштиррокчилари Хитойдаги қариндошларига босим кўрсатилаётганлиги хусусида, “лагерлар” ҳақида, Хитойдан чиқишларига рухсат олишда учраётган машаққатлари ҳақида ҳикоя қилиб беришди.
Бир неча йиллар мобайнида Шинжонда қозоқлар, шунингдек, уйғурлар, қирғизлар, татарлар ва кўпинча исломга эътиқод қиладиган бошқа этник гуруҳлар босимга учрамоқда.