Сўнгги 10 кунда рубль курси жиддий пасайди ва бугунги кунда бир минг рублга 149 сомони эмас, балки 143 сомони берилмоқда. Рублнинг қулаши минглаб тожик муҳожирлари ва юртдаги уларнинг оилалари ҳамёнларига таъсир кўрсатмоқда. Тожик мигрантларининг ватанларига сўнгги ҳафталарда юбораётган пул жўнатмалари пасайтирлган курс бўйича олинаётган экан. Яъни ҳар бир минг рублдан улар бир неча кун аввалгига нисбатан60 сомони кам олишмоқда.
Миллий банк вакилларининг 15 август куни Радио Озодига айтишларича, Россияда рубль курсининг пасайиши шу заҳотиёқ Тожикистонга таъсир кўрсатди.
Россия рубли 2 август куни АҚШ президенти Дональд Трамп Британияда ДРБ собиқ ходими Сергей Скрипаль ва унинг қизи Юлиязаҳарлангани сабабли Россияга нисбатан санкцияларнинг иккинчи пакетини қўллаши ҳақида эълон қилганидан сўнг бирдан пасайиб кетди. Россияга қарши санкцияларнинг биринчи пакети АҚШ томонидан бир йил муқаддам қўлланилган эди, у ҳам Скрипалларнинг заҳарланиши муносабати билан жорий этилган эди.
Сергей Скрипаль ва унинг қизи Юлия 2018 йил 4 март куни Британиянинг Солсбери шаҳридаги ўриндиқда ҳушсиз топилган эди. Мутахассислар ўшанда улар асабни таранглаштирувчи модда билан заҳарланганини аниқлашган эди. Лондон юз берган ҳодисада Москвани айблади. Россия эса мазкур ҳодисага алоқаси йўқлигини айтиб келади.
Москванинг ишонишича, Скрипаллар иши бўйича АҚШ санкцияларининг иккинчи пакети ички сиёсат, айнан 2020 йилда мазкур мамлакатда бўлиб ўтиши кутилаётган президентлик сайловлари билан боғлиқдир. Бу ҳақда РФ ТИВ раҳбарининг ўринбосари Сергей Рябков RT телеканали эфирида маълум қилди.
Дипломатнинг сўзларига қараганда, Москва АҚШнинг аксилроссия санкцияларининг иккинчи пакетидан ўз афсусини билдиради. Бу каби ҳаракатлар билан АҚШ Россия билан муносабатларни қурбон қилмоқда, дея баёнот берди Рябков.