Таъкидланишича, эндиликда Стратегик битимга кўра, Kumtor Gold Company'нинг тўловларни тўлаш масаласида олган мажбуриятлари, жумладан ҚР табиатни ривожлантириш Жамғармаси ва Онкологияни қўллаб қувватлаш жамғармасига тўловлар кучга киради.
Эслатиб ўтамиз, аввалроқ ҚР ҳукумати Стратегик Келишув талаблари кучга кириши борасида Centerra Gold Inc. компанияси билан ўзаро тушунувга эришилганини маълум қилган эди. Шу билан бирга Kumtor Gold Company ҚРга Стратегик Битимда кўзда тутилган қўшимча бадаллар тўлаши таъкидланди. Жумладан компания қуйидагиларни амалга оширади:
ҚР минтақаларини ривожлантириш бўйича ижтимоий ҳамкорлик жамғармасига 5 млн долларлик бир марталик бадал;
Минтақаларни ривожлантириш бўйича ижтимоий ҳамкорлик жамғармасига иккинчи муддат тугаганидан кейин 12 ой мобайнида 5 млн доллар миқдорида бадал тўлаш;
Минтақаларни ривожлантириш бўйича ижтимоий ҳамкорлик жамғармасига иккинчи муддат тугагач Kumtor Gold Company даромадларининг 0,4% миқдорида ойлик тўлов;
ҚР табиатни ривожлантириш Жамғармасига 1 млн доллар миқдорида йиллик тўлов;
“Қумтор” конида икки йил давомида геологоразведка дастурларини камида 16 млн доллар миқдорида молиялаш.
Қумтор кони Қирғизистондаги энг йирик олтин конларидан бири ҳисобланади, кон Канаданинг Centerra Gold Inc. компанияси томонидан бошқарилади. Қирғизистон «Кыргызалтын» ОАЖ сиймосида компания акцияларининг 26%га эгалик қилади. Қирғизистон ЯИМда«Кумтор голд»нинг улуши 10%га яқинини, санаот ишлаб чиқаришида эса 20%дан кўпроғини ташкил қилади.
Centerra Gold Inc. жаҳонда 9 активларга эгалик қилади. Энг йирик конларидан бири Қумтор ҳисобланади.