Айни дамда Тожикистонда олтиннинг 80 фоизидан кўпроғи Хитой корхоналари билан бирга қазиб олинади.
Тожикистон шимолида қимматбаҳо металл Talco Gold Хитой-Тожикистон қўшма корхонаси томонидан қазиб олиниши режалаштирилган, дея хабар беради «Настоящее Время». Конда разведка қилинган олтинлар заҳираси 50 тоннадан ошиб кетади. Бу ерда шунингдек сурьма қазиб олиш ҳам режалаштирлган. Қимматбаҳо металлни юқори сифатли ёмбига айлантириш ҳам шу ерда амалга оширилади, бунинг учун 2020 йилда металлургия комбинати қуриш режалаштирлган.
Тожикалюмин компанияси (ТАЛКО)нинг маълум қилишича, ҳамкорлар қидирлаётганида ресурсларни қайта ишлаш ва сотишга тайёр бўлган ёмби таёрлаш ҳам назарда тутилган эди. Хитой пул, технология ва мутахаасилар берди, тожик томони эса конни тақдим қилди. Баёнот берилишича фойда тенг тақсимланади.
ТАЛКО матбуот котиби Игорь Саттаровнинг айтишича, хитойлик инвесторлар билан тайёр маҳсулот борасида келишиб олинди. «Биз учун бу принципли. Бу бошқа нарх сиёсати бўлади, анча фойдали,табиийки бошқача сармоя», – дейди Саттаров. Шунинг учун ҳам металлургия комбинати қурилмоқда.
Лойиҳага Хитой киритадиган инвестиция 200 миллион доллардан ошиб кетади. Металларни қайта ишлаш келаси йилдан бошланади. Talco Gold компанияси вакили Чжоу Вунинг айтишича, юқоривольтли линия олиб борилган ва туннеллар қазилган. Режада – дамба ва сув чиқарувчи канал, ҳамда чиқиндихона қуриш.
Тожикистонда олтиннинг 80 фоизидан кўпроғи Хитой- Тожик қўшма компанияси томонидан ишлаб чиқарилади. Talco Goldнинг тожик ҳамкорларининг сўзларига қараганда, хитойликлар учун иқтисодий фойда кўзда тутилган.
Саттаровнинг сўзларига қараганда, олтин қазиб олиш борасидаги тожик лойиҳаси жаҳоннинг ҳар бир мамлакати учун тақдим қилинган эди. Лойиҳа Россияга ҳам тақдим қилинди, аммо Хитой томони кўпроқ қизиқиш билдирди.