Ссылки доступа

Дар Қазоқистон ҳашт хонанда заҳролуд шуданд


Дар мактаби № 7 шаҳри Ленгери Қазоқистон дар натиҷаи заҳролудшавӣ аз моддаи номушаххасе ҳашт хонанда дар бемористон бистарӣ шуданд.

Ба иттилои мақомоти маорифи шаҳри Ленгер, соати тақрибан 11 рӯзи 12 сентябр як хонанда дар долони мактаб қуттии дорои маводи ношинохтаеро кушод. Дар натиҷа бо нишонаҳои заҳролудшавӣ 23 хонанд, 2 омӯзгор ва як корманди дигари мактаб ба беморхона муроҷиат карданд.

"Аксари зарардидаҳо баъди гирифтани ёрии таъҷилии тиббӣ рухсат ёфтанд. Ҳашт хонанда барои идомаи табобат дар беморхона хобонида шуданд. Ду тан аз онҳо дар шуъбаи эҳё қарор доранд", - гуфт як намояндаи мақомоти маориф.

Хабар дода мешавад, ки дар робита ба ин ҳодиса тафтиш шуруъ шудааст.

XS
SM
MD
LG