Маълумотларга кўра, мазкур факт Жиноят ва қилмишлар Ягона реестрида регистрация қилинди ва тергов хизмати ҚР Жиноят кодексининг 138 моддаси (“Танага оғир зарар етказиш”) бўйича судга қадар тергов олиб бормоқда. Суд-тиббиёт, суд-биологик ва бошқа экспертизалар белгиланди.
22 сентябрь куни Қорасув туманидаги Фурқат қишлоғида отишма юз берди. «Азаттық» манбаларининг сўзларига қараганда, отишма вақтида ММА курашчиси Рахманберди уулу жароҳат олди ва вилоят шифохонасига ётқизилди.
Расман тасдиқланмаган хабарга кўра, спортсменни бир нечта халқаро мусобақалар ғолиби, аралаш жанг санъати бўйича мастер Қилич Саркарбаев жароҳатлаган. Айни дамда Саркарбаев Ўш шаҳар спорт қўмитасига бошчилик қилади.
Маълумки, Рахманберди уулу Қилич Саркарбаев билан яқин бўлган. Уларнинг ҳар иккиси EREM спорт клубида машғулот ўтказган. Бу клубнинг норасмий хўжайини сифатида Давлат Божхона хизмати раҳбарининг собиқ ўринбосари Райимбек Матраимов ҳисобланади.
1990 йилда туғилган спортсмен Рахманберди уулу “Ўш Пирим” телеканалижурналистларига айтишича, ҚиличСаркарбаев унга қарата ўқ отмаган, балки ўзи тўппончани кўздан кечираётганида жароҳат олган.
«Бизнинг муносабатларимиз яхши. Биз кечқурун унинг уйи олдида машинага ўтирдик, ёнимизда йигитлар– Алтинбек ва Бекболот бор эди. Биз суҳбатлашдик. Бекболот тўппонча топиб олганини ва кўришимни сўради. Мен собиқ ходим сифатида тўппончани кўздан кечирабошладим, у ўқланган экан, тасодифан оёғимга қарата ўқ уздим. Йигитлар мени шифохонага олиб келишди ва кетишди. Кейин эса мени Қилич отгани ҳақида миш-мишлар тарқалди. Аслидаундай эмас », -деди спортсмен.