Ссылки доступа

Түркіменстанда шетелге шығатын төлқұжат алушылар саны көбейіп жатыр


Миграция қызметі, Туркменабат (мұрағат)

Түркіменстанның Лебап облысында шетелге шығатын төлқұжатты алуға өтініш берушілер кезегі артып жатыр. Бірақ құжаттарды қабылдау тек 2020 жылдың ақпан айынан басталатындығы айтылады. Бұл туралы Азаттықтың түркімен қызметінің аймақтық тілшісі хабарлайды.

Оның айтуынша, бұған қарамастан облыстың орталығы болып есептелетін Түркіменабад қаласындағы миграциялық қызметтің алдында кезек күткендер санып тым көп.

— Миграциялық қызметке өтініш беру үшін кезекте тұрып жатқан азаматтарға құжаттарды 2020 жылдың ақпан айынан бастап қабылдайтыны айтылып жатыр. Мекеме өкілдері өтінішті қабылдағаннан кейін, төлқұжат дайындауға тағы екі ай кететінін айтып жатыр.

Әзірге шетелге шығатын төлқұжат жасату үшін құжаттарды қабылдау тәртібі туралы Түркіменабад қалалық миграция бөлімінен пікір алуға мүмкін болмады.

Осыған дейін елдің Дашогүз облысындағы миграциялық қызметтің ғимаратында да кезек күткендер көбейгені хабарланған.

XS
SM
MD
LG