У бу ҳақда криминалларга қарши кураш муҳокама этилган Озодлик эфирида гапирди. «Мен криминал расмийлар ёки сиёсатчилар вакиллари билан алоқаларга эга, қабилидаги фикрларга қўшилмайман. У 2007-2008 йилларда, собиқ президент Курманбек Бакиев бошқаруви пайтида алоқада бўлган. Мен амалдор Медет Садирқуловнинг ўлдирилиши тўғрисидаги шов-шувли ишни тергов қилишда иштирок этганман, бунинг якунида расмийлар, криминаллар, куч ишлатар тизимлар вакилларидан иборат 27 киши жавобгарликка тортилган. Ўшанда ҳокимият ва органлар крминал билан алоқадалиги аниқланган», - дейди у.
Каниметов шунингдек, криминаллар мамлакатда олдингидек таъсирга эга эмаслигини айтди. Унга кўра, “мактаб ва қишлоқларда хўжайинчалар тайинланган, бироқ ҳозир бундай эмас”.
Қирғизистонда криминаллар билан кураш мавзуси октябрь ойи бошида бишкеклик ишбилармон Хуфур Абдураҳмон ўлдирилганидан кейин яна кескинлашди. Қўлга олинганлар тадбиркор жасади кўмилган жойни кўрсатдилар ва унинг автомобилини бўяшганини хабар қилишди. Ҳодиса жамоатчиликнинг норозилигига сабаб бўлди. Бош вазир Мухаммедкалий Абилгазиев бизнесменларни муаммони ўзбошимчалик ила криминаллар билан ечишга эмас, балки милицияга мурожаат қилишга чақирди.
Парламент депутати Жанар Акаев ҳукуматни Қирғизистонда криминалларнинг кучайгани учун ва бизнесни жиноий гуруҳлардан ҳимоя қила олмасликда танқид қилди. Унга кўра, тадбиркорларнинг хорижга кетишига тўғри келмоқда.