Беларусиялык Human Constanta укук коргоо уюмунун өкүлү Наста Лойка Одинаев Орусияга жөнөтүлүшү мүмкүн экенин билдирди.

Беларусиянын миграция кызматы журналистти Тажикстандын суроосу менен ал 25-сентябрда Польшага адам укуктары боюнча конференцияга катышуу үчүн баратканда кармаган.

Одинаев Орусиянын жана Тажикстандын жараны. Мурда “Тажикстан ислам кайра жаралуу партиясынын” мүчөсү болгон. 2013-жылы бир нече ай Москвада жайгашкан оппозициялык маанайдагы Safo TV телеканалын жетектеген.

7-октябрда 11 эл аралык укук коргоо уюму Фархад Одинаевди Тажикстанга өткөрүп бербөө өтүнүчү менен беларус бийлигине кайрылган.