Ин тағйирт ҳаҷми ҷаримаи хориҷиҳоро барои вайрон кардани тартиботи буду бош, пеш аз ҳама мавҷуд набудани сабти ном ва сари вақт тамдид накардани санади сабти ном 10 баробар кам мекунад. Тартиботи нав ҳам ба сайёҳон ва ҳам ба меҳмононе дахл дорад, ки ба дидорбинии пайвандонашон ва ё бо корҳои шахсӣ вориди Ӯзбекистон мешаванд.
Кодекси ҷиноии Ӯзбекистон пештар аз ин барои такроран вайрон кардани тартиботи буду бош то се соли маҳрумият аз озодӣ пешбинӣ мекард.
Барои як дафъа вайрон кардани тартиби буду бош, аз ҷумла сари вақт сабти ном накардан, аз муҳлати муайяншуда бештар ҳузур доштан аз 50 то 100 маоши ҳадди ақал ҷарима дошт, ки ҳамакнун ин нишондиҳанда аз 5 то 10 маоши ҳадди ақал поён оварда шудааст.
Пештар аз ин тартиби сабти номи хориҷиҳо дар Ӯзбекистон яке аз сахттарин муқаррарот дар кишварҳои Осиёи Марказӣ буд. Аз ҷумла ҳар меҳмони хориҷӣ вазифадор буд, ки давоми се рӯзи воридшавиаш худро дар қайди пулис гузорад. Соли гузашта ин тартибот каме тағйир дода шуда ва муҳалти серӯзӣ ба якмоҳа тамдид шуд.