Ссылки доступа

Олмаотада «Ел басынан шіриді» («Эл бошидан чирийди») баннери пайдо бўлди


Олмаотада номаълум шахслар Қозоғистон собиқ президенти Нурсултон Назарбоевнинг титули — «елбасы» («эл боши»)га сўз ўйини қилинган баннерни илиб кетишди.

Хабарларга кўра, қозоқ тилида «Ел басынан шіриді» («Эл бошидан чирийди») ёзуви бўлган баннер Шаляпин ва Саин кўчалари кесишган жойда 1 декабрь куни пайдо бўлди. Бу кун календарда расман Биринчи президент куни сифатида талқин қилинган ва дам олиш куни ҳисобланади.

Мазкур баннернинг пайдо бўлиши муносабати билан ҳеч ким маъсулиятни ўз зимасига олмади, аммо мухолифатдаги Rukh2k19 гуруҳи Instagram да қисқа видео эълон қилган бўлиб, унда пиёдалар кўпригининг ўтиш қисмида бўлган мазкурбаннер #qazaqkoktemi (қозоқ баҳори) хэш-теги билан акс этган.

Танқидчилар Биринчи президент кунини 79 ёшли Назарбоевнинг шахсига сиғинишга тенглаштиришади, президент тарафдорлари эса байрамни мамлакат биринчи президентига «ҳурмат бажо келтириш» дея таърифлайдилар. Назарбоевга «елбасы» («элбоши») титули парламент томонидан 2010 йилда берилган. Мазкур титул Назарбоев ва унинг оила аъзоларига умрбод ҳар қандай фуқоролик ва жиноий таъқиблардан озод этилиш иммунитетини беради.

Совет Иттифоқи тарқалишидан аввал 1991 йилда Қозоғистон ҳокимиятига келган Назарбоев шу йилнинг март ойида истеъфога чиқишини билдирди, шу билан бирга маълум бир ҳокимиятни ўз қўлида сақлаб қолди. 79-ёшли Назарбаев мамлакат сиёсий ҳаётида катта ўринга эга «Нур Отан» партиясининг раисидир, у шунингдек Қозоғистон Хавфсизлик Кенгашининг умрбод раиси ҳамдир. Хавфсизлик Кенгаши— конституцион орган бўлиб президент давлатдаги маълум бир тайинловларни бу идора билан келишган ҳолда амалга оширади.

XS
SM
MD
LG