9 декабрь куни ИИВ Қўй-Тош қишлоғида гаровга олиш ва оммавий тартибсизликлар иши бўйича гумонланувчиларга суд-психиатрик экспертиза белгиланганини хабар қилди. Хабар қилинишича, судга қадар тергов доирасида 16 нафар шахс гумонланувчи сифатида кўрилмоқда, улар оғир ва ўта оғир жиноятларни содир этганликларидан хабардор қилинган.
«2019 йил 12 ноябрь куни гумондорлар Қирғизистон Республикаси Жиноят-Процессиуал Кодексининг 171 моддаси(Экспертиза тайинлаш учун асос) бўйича оғир ва ўта оғир жиноят содир этганликлари борасида огоҳлантирилганликлари боис 16 нафар гумондорга, жумладан Атамбаев Алмазбек Шаршеновичга суд-психиатрик экспертиза тайинланиши юзасидан қарор қабул қилинди ва ижро этиш учун РРСМ (Республика руҳий Саломатлик Маркази)га юборилди», — дейилади хабарда.
«Бу Жиноят -процессуаль кодекс талаби. Инсон оғир ва ўта оғир жиноят содир этганликда гумон қилинса шу каби экспертиза белгиланади. Инсон бундан воз кечиши ҳам мумкин. Кеча собиқ президент Атамбаев бундан воз кечди. У аввалбошданоқ тергов билан ҳамкорлик қилишдан бўйин товламоқда. Биз Ирина Карамушкина билан ҳамиша қонунларга риоя этилишини айтиб келамиз, шу сабабли экспертизадан ўтишга рози бўлдик, чунки бу ЖПК талабидир. Эксперитиза суҳбат шаклида бўлиб ўтди, суҳбат кўп вақтни олгани йўқ. Бир нечта шифокор бўлди, улар савол беришди», -деди Кодуранова.
Унинг қўшимча қилишича, бундан аввал улар бу экспертиза белгилангани тўрисидаги қарор билан таниш бўлишмаган, бу борадаги маълумотнома адвокатлар орқали берилган. «Бугун биз шифокорлардан бу борадаги қарор 22 октябрда чиқарилганини билдик, бир ярим ой ўтиб кетганига қарамай бизларни ҳужжат билан таништиришмади. Энди эса бизга 10 кун ичида натижалар чиқишини ва ИИВга юборишини айтишди. Балки кейинроқ бизларни натижалар билан танишитиришар», - дейди депутат.
7-8 август кунлари Чуй вилоятининг Аламудун туманидаги Қўйтош қишлоғида «собиқ президент Алмазбек Атамбаевни сўроққа мажбуран олиб келиш тадбири» бўлиб ўтди. Ҳодиса оқибатида тўққиз киши жароҳат олди, махсус гуруҳнинг олти ходими гаровга олинди ва Атамбаевнинг уйида 20 соатдан ортиқ ушлаб турилди, МХДҚ махсус бўлинмасининг ходими Усенбек Ниязбеков ўқ отар қуролдан олган жароҳати туфайли ҳалок бўлди, Чуй вилоят ИИББ бошлиғи Самат Қурманқулов бошидан жиддий яраланди ва Москвада даволанмоқда.
Атамбаев ушланганидан кейин сўроқ учун ИИВга президентнинг айрим тарафдорлари, жумладан парламент депутатлари Асель Кодуранова ва Ирина Карамушкин, собиқ депутат Равшан Жээнбеков, собиқ давлат раҳбарининг маслаҳатчиси Қундуз Жолдубаева, МХДҚ собиқ раиси Абдиль Сегизбаев ва бошқалар чақирилди. МХДҚ “Альфа” махсус бўлинмасининг олти нафар жангчисини гаровга олиш гумони билан 9 декабрга қадар президент аппаратининг собиқ раҳбари Фарид Ниязов, собиқ президент тарафдорлари Алга Кылычов, Кыяз Смаилов ва Амантур Жамгырчиев ҳибсда ушлаб туриладиган бўлди. Айни шу гумон билан депутатлар Ирина Карамушкина ва Асель Кодурановлар уй қамоғига жойлаштирилди.