Тәжік дипломаты бұл мәліметті 10 желтоқсанда Брюссельде Тәжікстан мен Еуропа одағы арасындағы әріптестік жөніндегі кеңесте Озоди радиосының тілшісі қойған сауалға жауап беру барысында жариялады.
"20 содырдан тұратын қарулы топ "Султонобод" шекара отрядының "Ишкобод" бекінісіне шабуыл жасады. Олар бес Калашников автоматын тартып алды. Арнайы жасақ операциясы нәтижесінде содырлардың көзі жойылды. Бесеуі ұсталды, олар қазір тергеу абақтысында отыр. Күш құрылымдарының қызметкерлері оққа ұшты. Өкінішке орай, терроршылар шабуылы кезінде әйелдер мен балалар қаза тапты. Басқа амал болмады" деді тәжік сыртқы істер министрі.
Тәжік-өзбек шекарасындағы "Ишкобод" бекінісіне шабуыл 6 қарашада түнде жасалды. Тәжікстан ұлттық қауіпсіздік мемлекеттік комитетінің хабарлауынша, шабуылды "Ислам мемлекетінің" содырлары жасаған.