Қонун биринчи ўқишда 3 декабрда қабул қилинган эди. Қонун лойиҳасини иккинчи ўқишга тайёргарлик жараёнида 101та тузатиш таклиф қилинди , шундан32 таси қисман ёки тўлалигича инобатга олинди.
Бу президент Владимир Зеленский ва унинг "Слуга народа" (“Халқ хизматчиси”) партиясининг сайловолди дастурларидаги пунктлардан бири эди: президент ваъда қилганидек, қонун коррупцияда айбланадиган депутатларга нисбатан жиноий иш очиш имкониятини осонлаштиради.
"Европа ҳамкорлиги", "Батькивщына" ва"Голос" фракциялари томонидан бирор бир депутат қонун лойиҳасини қўллаб-қувватламади.
Қонун Украина Конституциясининг 80 моддасидаги Украина халқ депутатига "депутатлик дахлсизлиги кафолатланади" деган нормани бекор қилади. Шунингдек, Конституциядан халқ депутатлари "Олий Раданинг розилигисиз жиноий жавобгарликка тортилиши, ушланиши ёки ҳибсга олиниши мумкин эмас" деган норма чиқариб ташланди.
Қонунга кўра, депутатлар томонидан содир этилган хуқуқ бузилишлари борасида Судга қадар тергов Ягона реестирига фақат бош прокурор киритиш хуқуқига эга. Айнан бошпрокурор депутатларни ушлаш борасидасўровнома юборади.
"Бош прокурор шахсан ишончсизлик билдириши мумкин. У жиноий иш иштирокчиларини жавобгарликка тортишни чўзмаслиги учун Олий Рада ваколатларни айнан шу инсонга беришга қарор қилди", – деди Настоящей Временага интервью берган “Халқ хизматкори” фракциясидан депутат Денис Монастырский.
Коррупцияга қарши туриш маркази (КҚТМ)нинг таъкидлашича, янги қонун депутатларга нисбатан жиноий иш очишда монополия яратади: Ихтисослаштирилган аксилкоррупция прокуратураси ва Миллий аксилкоррупция бюроси агардепутат пора олаётганида қўлга тушиб қолган тақдирда ҳам тергов бошлай олмайди, дея ёзади Hromadske.
"Бугун бошқа бош прокурор, эртага бошқаси, индинга яна бошқаси бўлиши мумкин. Биз бу каби ваколатларни бир қўлга бериб катта сиёсий ва коррупциявий таваккалчилик қилган бўламиз", – дея баёнот берди Настоящей Временага интервью берган “Европа ҳамкорлиги”дан сайланган халқ депутати Алексей Гончаренко.