Кейинроқ Қирғизистон Миллий хавфсизлик давлат қўмитаси (МХДҚ) баёнот бериб, Кенжебаев “катта миқдорда фирибгарлик” қилиш гумони билан ушланганини маълум қилди.
МХДҚнинг баёнотига кўра, ариза берувчи Хитойнинг йирик компаниясининг Қирғизистонга “Хавфсиз шаҳар” лойиҳасининг иккинчи босқичини ҳаётга татбиқ этиш учун келган вакилидир. Қирғизистон махсус хизматларининг хабар қилишича, Кенжебаев вақтинчалик ушлаб туриш изоляторига жойлаштирилди. Олмаотада Сиргак Кенжебаевнинг ушланиши ва Бишкекка олиб келиниши ўрганилмоқда.
«Эримни МХДҚ линияси бўйича Олмаота аэропортида ушлашди ва Бишкекка олиб келишди. Буни ўрганамиз. Репрессия давом этмоқда», — дея ёзди Айтматова Twitter'да 20 декабрь куни тонгда.
Қирғизистон махсус хизматининг баёноти пайдо бўлишдан аввалроқ Ширин Айтматова Қозоғистонпрезиденти Қасим-Жомарт Тоқаевга мурожаат қилган эди. «Сиз яқинда отамнинг Бишкекдаги музейига ташриф буюрган эдингиз. Бугун эрим Олмаотааэропортида йўқолиб қолди, ҳеч ким менга жавоб бермаяпти. На милиция, на чегара хизмати. Ёрдам беринг!», — дея ёзди АйтматоваTwitter'да.
ОАВнинг хабар қилишича, Айтматовлар оиласи билан Олмаота орқали хорижга учиб кетмоқчи эди. Эри уларга Олмаота аэропортида қўшилиши керак эди. Унинг айтишича, Олмаотага келиши билан эри ушланганини айтган ва бошқа алоқага чиқмаган. Унгаавиакомпанияда эри рейс учун рўйхатдан ўтганини айтишган, бироқ учиб кетмаган бўлиши ҳам мумкинлигини эслатишган.
Айтматовлар томонидан асос солинган «Умут 2020» ҳаракати Қирғизистон парламентидаги эҳтимолийкоррупцияни суриштируви билан машҳур.