Маҳкамада маълум бўлишича, судланувчи 2016 йил августида ўз таниши билан тил бириктирган ҳолда “Караван” кафеси ёнида ўзбекистонлик аёлни машинага тиқиб, ўрмонга олиб кетган. У ерда аёлни ечинтириб, смартфон камерасига: “мен фоҳишалик билан шуғулланаман, аммо бу ишни бошқа қилмайман”, дейишга мажбурлашган.
Шундан сўнг судланувчи аёлга оёғи ва қўли билан камида 15 марта зарба берган. У аёлни ўз ижара квартирасига олиб бориб, қамаб қўйган. Ўлдирилишидан қўрққан жабрланувчи аёл иккинчи қаватнинг балконидан сакраган, натижада умуртқаси шикастланган. Шундан сўнг судланувчи полиция томонидан тутилиб, ҳибс этилган.
Судланувчининг шериги Ўзбекистонга қочиб кетган ва ҳозир унга нисбатан қидирув эълон қилинган.