Маалыматка караганда, жер алдында бургулоо иштерин аткарып жүргөн жумушчу жер көчкөн кезде сыртка чыга албай камалып калган. 6-январь күнү гана аны менен болгон байланыш калыбына келтирилип, 7-январда куткарылган.
Жумушчунун абалы туруктуу, ал дарылануу үчүн ооруканага жаткырылды.
Компания кендеги окуяны иликтөө үчүн атайын комиссия түзүлгөнүн кошумчалады.
«Казцинк» – Казакстанда цинк, коргошун, жез жана башка баалуу металлдарды өндүргөн компания. Чыгыш Казакстан, Караганды, Акмоло облустарында бөлүмдөрү бар. «Казцинктин» башкы инвестору катары швейцариялык Glencore International Ag компаниясы көрсөтүлгөн.