Ссылки доступа

Пентагон башчысы нааразылыктарды токтотуу үчүн армияны колдонууга каршы экенин билдирди


АКШнын коргоо министри Марк Эспер өлкөдө бир жумадан бери уланып жаткан башаламандыктарды токтотуу үчүн армияны тартууга каршы экенин билдирди.

Эспердин айтымында, президентке армияны тартууга укук берген 1807-жылы кабыл алынган мыйзам өтө кооптуу, оор учурларда гана колдонулат. Коргоо министри азыр андай учур эмес экенин айтып, башаламандыктарды токтотуу үчүн Улуттук гвардияны пайдалануу туура болорун кошумчалады.

АКШдагы башаламандыктарга полициянын колуна түшкөн афроамерикалык Жорж Флойдун өлүмү себеп болгон. Буга чейин Трамп башаламандык, талоончулук менен коштолуп жаткан акция катышуучуларын таратуу үчүн армияны колдонуу ниетин билдирген.

Трамптын бул демилгесине Пентагондун бир нече мурдагы жетекчилери да каршы экенин айтышкан.

Шаршемби күнү кечинде Трамп мурдагы оюнан кайтып, өлкө ичиндеги нааразылыктарды токтотуу үчүн армияны колдонууну зарыл деп эсептебей турганын билдирди.

Видео

XS
SM
MD
LG