Ссылки доступа

Алматынын аза күтүү агенттиги сөөк коюу эки эсеге көбөйгөнүн билдирди


Алматыда сутка ичинде жерге берилген кишилердин саны эки эсеге көбөйдү. Бул тууралуу шаардык “Аза күтүү кызматын көрсөтүү комбинаты” билдирди.

"Бир күндө канча сөөк көмүлүп жатканын айта албайбыз. Бирок карантинге чейинки маалга караганда эки эсеге көбөйгөнү анык", – деди компаниянын өкүлү.

Анын айтымында, карантинге чейин күнүнө орто эсеп менен 25-27 киши жерге берилсе, азыр бир эле Батыш көрүстөнүндө 30га чейин сөөк көмүлүүдө. Мүрзөлөр трактор менен казылууда.

Буга чейин Алматы моргдорунда узун кезек жаралганы кабарланган.

13-июлдагы маалыматка караганда, Казакстанда 62 миңдей киши коронавирус инфекциясын жуктуруп алып, 375 бейтап көз жумган. Бул тизмеге пневмониядан өлгөндөр киргизилген жок.

Бул арада Казакстан карантинди 2-августка чейин узартты. Өлкө 13-июлда коронавирустан өлгөндөргө аза күттү.

Видео

XS
SM
MD
LG