Ссылки доступа

Донбасста ок атышпоо режими күчүнө кирди


Донбасстагы украин жоокери

27-июлдан тартып Украинанын чыгышында өкмөттүк күчтөр менен орусиячыл жикчилдердин ортосунда атышуу токтоду.

Бул тууралуу өткөн жумада Европа Коопсуздук жана Кызматташтык Уюмунун (ЕККУ), Орусиянын жана Украинанын өкүлдөрү үч тараптуу макулдашкан.

Зеленскийдин кеңсеси маалымдагандай, украин президенти 26-июлда болгон телефондук сүйлөшүү маалында Путиндин көңүлүн Орусияда, Украинанын чыгышында жана Крымда туткунда отурган украин жарандарына буруп, аларды бошотуу боюнча кадамдарды баштоо зарыл экенин айткан.

Ал эми Кремль тараткан билдирүүгө ылайык, Путин Киевдин жергиликтүү шайлоолорду өткөрүү боюнча чечими Минск келишимине каршы келерин билдирген.

Былтыр мамлекет башына келген Владимир Зеленский шайлоо өнөктүгүнүн маалында Донецк жана Луганск облустарында уланып жаткан куралдуу кагылышууларга чекит коюуга убада берген.

Украинанын чыгышындагы кагылышууда 2014-жылдан бери 13 миңдей адамдын өмүрү кыйылды.

Киев Москваны орусиячыл жикчилерге колдоо көрсөткөнү үчүн айыптап келет. Кремль бул дооматтарды четке кагууда.

Видео

Видео

Пансионаттарга эмерек жасаган эки дос
пожалуйста, подождите

No media source currently available

0:00 0:07:19 0:00
XS
SM
MD
LG