Ссылки доступа

Дар Туркманистон сокинони деҳаҳо барои хариди нон ба шаҳр мераванд


Очереди за продуктами растут и страсти тоже. Толпа перед задней дверью государственного магазина в Туркменистане. Июнь 2020 года.

Дар Туркманистон сокинони деҳаҳо маҷбур ҳастанд, ки барои харидории нону шакар ба шаҳр раванд.

Бино ба иттилои хабарнигори бахши туркмании Радиои Озодӣ, вазъи ҳамсон дар ин кишвар бори охир ибтидои солҳои 90-ум мушоҳида шуда буд.

Норасоии нон дар Туркманистон дар ҳолест, ки мақомоти он кишвар мегӯянд, нақшаи давлатии ҷамъоварии гандумро иҷро кардаанд. Хабаргузории расмии Туркманистон охирҳои моҳи июн хабар дод, ки имсол дар ин кишвар 1 миллиону 400 ҳазор тонна гандум ҷамъоварӣ шудааст.

"Сокинони деҳаҳо боз барои харидани нон ба шаҳри Ишқобод меоянд. Ба ин далел харидани нон мушкил шудааст", - иттилоъ дод хабарнигори бахши туркмании Радиои Озодӣ 12 август.

"Имрӯз аз субҳ барои харидани нон рафта будам. Мардуми зиёд ҷамъ шуданд. Фурӯшанда ба навбатпоён мегуфт, ки ба ҳар як кас аз ду дона нон бештар фурӯхта наметавонад. Сокинони деҳаҳо хостаанд, ки ба онҳо аз панҷ то даҳдонаӣ нон фурӯшад, зеро аз роҳи дур омадаанд", - мегӯяд хабарнигор.

XS
SM
MD
LG